МАЈЧИН ЈАЗИК
Да зборуваш, да кажуваш и раскажуваш,
значи да говориш.
Да говориш, значи да имаш јазик свој,
мајчин јазик.
Јазик од дедовци и прадедовци,
од предци дамнешни.
Од колено на колено, од генерација на
генерација пренесуван,
граден, чуван и заштитуван.
Јазик најубав, највреден, најзвучен,
најмоќен !
Идентитет на една нација и земја,
нација своја,
а предизвик, интерес и желба за други
да го научат, осознаат и запознаат.
Да имаш свој, мајчин јазик е
богатство најголемо, непроценливо.
А да го негуваш, заштитуваш и да го
сочуваш
и на идни генерации да го предаваш,
значи бесценето богат си,
па несебично и другите збогатувај ги
!
Не е важно каде си, што си, со кого
си
јазикот мајчин секогаш и секаде да го
говориш,
со него да се гордееш и китиш.
Децата свои уште од колевка со него
да ги заспиваш и будиш,
со него да ги растеш и воспитуваш,
најубави песни и уки да им даваш.
Да ги израснеш со нивниот јазик, македонскиот
и луѓе големи да ги сториш.
Да знаат кои се, од каде се, корените
свои да ги знаат.
Вредноста нивна која е, кога гордо на
мајчин јазик говорат низ светот бел.
А сите, со очи широко отворени да ги
гледаат и слушаат
небаре без превод ги разбираат и чувствуваат.
Е тоа е големината, и длабочината, и
силата на говорот,
убавината и моќта на својот, мајчин
јазик.
Нема ништо потешко тоа да ти го
забранат, да ти го оспорат или одземат,
а наспроти тоа пак,
нема ништо поубаво да говориш на свој
јазик секогаш и сегде,
секому да се спротивставиш, и своето
да го сочуваш и одбраниш.
Само со почит, љубов и труд тоа ќе го
сториш !
Затоа зборувај, учи и пишувај на свој
јазик
зошто ако јазик немаш, ништо не си !
Автор: Горазд Стојановски IX-4 одд.
Уредник: Ања Јовановска IX-4 одд
