Екологија

-

 

 

Една повозрасна, мудра, жена често знаеше да каже: ,,Светот не треба да се стави во ред. Тој веќе  е во ред. Наше е да се прилагодиме со тој ред.” Тогаш не ја разбирав и дури ми звучеше чудно и нелогично.

Тогаш се прашував „зошто“ и не обрнував толку внимание на  природата, на зеленилото кога имаме паркови во градовите, имаме дрва по улиците и зелени површини покрај автопатите. Не ми беше јасно зошто се креваше толкава паника и вложување на толкав напор за зачувување на природата. Некогаш и ќе дојдеа на училиште луѓе и ќе почнеа да зборуваат за нешто наречено Екологија. Екологија, екологија... Многу пати го имав слушнато тој збор но никогаш неможев да му го откријам вистинското значење. Се додека не пораснав. Тогаш сè  се смени. Почнав да размислувам на поинаков начин. Почнав да прашувам, да се интересирам и обожавав да откривам нови работи. Кога се наближи 21 март, сфатив дека е ден на екологијата. 

,,Екологија, го имав слушнато многу пати овој збор”- си реков. Почнав подлабоко да навлегувам во неговото значење. Тоа било всушност сакање и грижење за природата. Сакање од срце и грижење со ум. Дознав дека имало и многу страшни и огромни проблеми, и фатални последици. Како што се задлабочував така ја дознавав вистината во каков свет ние живееме и со какви проблеми, а подоцна и последици би претрпеле. Никогаш не ја знаев оваа страна на светот. Разбрав дека светот не е само прошетка со мама, играње топка со тато, раскажување приказни со баба и возење со дедо, прошетки низ паркот, возење велосипед на зајдисонце, играње жмурка, брканица или играње граница со другарчињата... Се беше само детство кое поминува. Во светот сега најголем проблем е глобалното затоплување кое претставува огромен проблем кој може да го уништи светот. Предизвикан е од негрижа за природата и игнорирање на проблемот. Потребно ни е подигнување на човечката свест и зголемување на интересот за Екологијата, за преземање грижа и заштита на природата.

Доколку сакаме големи промени-треба да почнеме со дејстување од најмалите нешта-да почеме од самите себе.



Автор: Ева Серафимовска IX-4

Уредник: Ања Јовановска IX-4

Popular posts from this blog

Пролетен пејзаж

-
Image
     Една од најубавите теми за која можеме да напишеме некој интересен состав е пролетта.     Веќе топлите сончеви зраци ја милуваат раззеленетата природа. Расцветаните дрвја и даваат посебна убавина. Во зелената трева разнобојните цвеќиња ја шират својата опојна миризба, затоа и веселото црцорење на птиците го повикуваат благото ветре да прошета низ ливадата. Пчелките сега слободно можат да си ја работат својата улога кај цветовите, а тие пак среќни им ги отвараат ширум листовите. Знаат дека пчелките ќе им го соберат нектарот за да има мед, но и дека ќе може да се добијат уште разнобојни цветчиња. И поточето, кое во близина на ливадата разиграно и нежно ги потпрскува со своите бранчиња, давајќи им до знаење дека се многу убави. Поточето мирно и спокојно си жубори и не сака да ја уништи таа среќна идила. Шаренилото од бои го надополнуваат и туку што новосоздадените пеперутки. Секоја пеперутка е убава за себе, како уникатни примероци на разиграната ливада...
Прочитај повеќе »

Мојот живот за време на пандемија

-
Image
  Последнава година беше многу тешка. Се појави оваа ужасна пандемија и целиот живот ми се измест и од нормалниот тек. Toa што требаше да трае две седмици прерасна во огромен проблем кој трае подолго од една година. Болеста секојдневно се влошува и секој час, секоја минута, секоја секунда што поминува ги живеам во страв, тензија и неизвесност. Со другарите се дружам многу ретко. Се слушаме по телефон, зборуваме на социјалните мрежи, но ми недостасува да се видиме лице в лице, да си кажеме по некоја шега, да направиме „ да пукне “ со рацете и раперски да си ги допреме тупаниците.  Игралиштето за кошарка пред мојата зграда зјае празно. Ова е погрешно, не смее да биде вака. Неприродно е детско игралиште да биде волку пусто. Ми недостасува радосниот цвркот од детски гласови кој ме будеше секое утро. Прво излегуваа мајките со нивните весели и разбрборени бебиња и помалите дечиња, а потоа се растрчувавме ние поголемите, мангупите, и правевме галама под кошот.  Паркот со играчк...
Прочитај повеќе »

Едно поинакво лето

-
Image
    Да ми кажуваше некој дека едвај ќе чекам да заврши распустот, ќе му се изнасмеев во лице. Па, сите знаат дека летото е најомилено годишно време на учениците, бидејќи тогаш сме слободни од секакви обврски. Кога ми заврши и последната училишна активност, планирав цело лето да го поминам во излежување и безделничење. Да играм со другарите онлајн, да играм кошарка, да спијам, да јадам сладолед, да гледам Јутјуб, да спијам, да седам до доцна надвор, да се дружам, да спијам... Сфативте дека планирав многу да спијам , нели? Но, моите родители имаа поинаква замисла. Уште кога се врати мајка ми од Белградскиот маратон кој се одржа на 6 јуни, ми најавија дека летово ќе имаме гости од Србија, нивни пријатели кои имаат ќерка на моја возраст. Јас, се разбира, како типичен тинејџер само превртев со очите, но кога ми кажаа дека со нив ќе одиме 15 дена во Охрид веќе почнав сериозно да негодувам. Како го замислуваат тој одмор? Тие да се дружат со пријателите, а јас да ја забавувам нив...
Прочитај повеќе »

Само еднаш сум дете

-
Image
    Детство... Детството е најубавиот дел од нашата животна приказна. Возрасните може да се сеќаваат и споменуваат за посебни моменти и спомени поминати со посебни луѓе во посебно време. Децата пак со задоволство можат да уживаат во него, иако во некои ситуации сакаат да се повозрасни. Но со текот на времето и тоа ќе дојде. Сепак мислам дека секој возрасен човек без разлика на годините, длабоко во себе го има тоа мало детенце кое некогаш бил.   Само еднаш сум дете. Палаво, безгрижно, без големи проблеми, среќно и весело. Детството е период во кој можеме да учиме од нашите грешки, но и од грешките на другите. Кога си дете го гледаш светот на поинаков начин.   Секој период има своја убавина која има свои предности, но и свои недостатоци. Затоа треба да уживаме во секој дел од нашата животна приказна! Автор: Михаела Димчова VII-2 Уредник: Михаела Димчова VII-2
Прочитај повеќе »

Училишни спомени

-
Image
  Ги броиме последните денови и часови кога за последен пат ќе излеземе низ широката бела порта на нашето сакано училиште. Зад нас ќе ги оставиме не само нашите наставници и помалите соученици, туку и девет години од нашиот живот во кои создадовме драгоцени спомени. Спомените ќе си ги понесеме со нас, но дел од нив ќе оставиме за училиштето засекогаш да ги чува успесите кои ги постигнавме. Многу натпревари, проекти, приредби, ученички иницијативи и активности... ќе сведочат дека сме оставиле печат не само на нашата училишна заедница, туку и во нашата општина и пошироко. Понекогаш и забушававме, бидејќи мора да ги оправдаме „бубачките во глава“ што ни ги припишуваат возрасните. За нас, деветоодделенците, завршува една етапа од нашиот живот и почнува нова и непозната за нас. Од овде ќе ја понесеме пораката од нашите наставници дека што и да станеме во животот, каде и да бидеме, секогаш треба да се трудиме да бидеме најдобрата верзија од себе . Некои од нас ќе се посветат на нау...
Прочитај повеќе »

Нашето ново катче

-
Image
  Започнуваме нова, креативна идеја произлезена од умовите на интелигентните ученици. Ова катче го правиме со цел ние учениците да ги изразиме нашите креативни идеи и мислења, преточени во интересни текстови кои со мерак ќе ги читате. Блогот ќе изобилува со многу објави, факти, начин на живот и стил, како и широк спектар на разни теми од областа на науката, уметноста, литературата, јазиците... сè што може да ги интересира децата. Не заборавајте дека вашата поддршка е наша најголема мотивација. Ве повикуваме да ни испраќате с è што мислите дека треба да објавиме на нашиот блог, а нашите уредници со нетрпение ќе ве очекуваат. Овој блог ќе нуди целосна слобода на изразување за сите вас, кои се чувствувате како уметници и креативци и сакате безрезервно да се изразувате. Вашите текстови ќе можете да ги испраќате на меил адресите од нашите уредници објавени на блогот, а тие ќе бидат објавени и потпишани со ваше име и презиме. Ве очекуваме во оваа креативна, блогерска ...
Прочитај повеќе »