Свети Кирил и Методиј

 

Свети Кирил и Методиј - македонски браќа од Солун во IX век, кои станале мисионери на христијанството помеѓу Словените од Голема Моравија и Панонија. Преку нивната работа тие влијаеле врз културниот развој на сите Словени, поради што ја добиле титулата Апостоли на Словените. Тие се заслужни за изумување на глаголицата, првата азбука искористена да се препише старословенскиот јазик.

Успешно ги завршиле доделените тешки и одговорни задачи од страна на византискиот двор мисијата кај Сарацените (Арапите) во Багдад, која како и Хазарската и Моравската мисија претставувале дел од политичката програма на Византија, чија основна цел е да ги христијанизираат Сарацените, Хазарите, Моравските Словени, Бугарите, Русите и другите народи на исток и север од Византија и да им ја наметнат византиската црковна власт. Кога хазарскиот цар Каган побара од царот Михаил проповедници на верата во Исус Христос, тогаш на заповед на царот беа пронајдени овие двајца браќа и беа испратени меѓу Хазарите. Откако го уверија Каган во верата Христова, тие го крстија овој цар и голем број негови доглавници и уште помногуброен народ. Се враќаат во Цариград, каде што ја составија словенската азбука од триесет и осум букви и почнаа да ги преведуваат црковните книги од грчки на словенски. На повик од царот Ростислав отидоа во Моравија и таму ја распространија и ја утврдија православната вера, па ги умножија книгите и им ги дадоа на свештениците за да ја подучуваат младината. А подоцна на повик од папата заминаа за Рим, каде што Кирил се разболе и умре, на 14 февруари 869 година. Тогаш Методиј се врати во Моравија и до смртта се потруди на утврдувањето на Христовата вера меѓу Словените. По неговата смрт - а тој се упокои во Господа на 6 април 885 година - неговите ученици Петочисленици, на чело со Свети Климент Охридски како епископ, го преминаа Дунав на сплав "од три липови дрвја" и пристигнаа во Белград, тогаш во Бугарија. Началникот на Белград, ги испрати при царот Борис I. Свети Наум остана во главниот град на Бугарија и ги постави основите на Преславската книжевна школа, а Климент е испратен во областа Кутмичевица, на југ во Македонија, каде што од Охрид продолжи да работи меѓу Словените на истото дело што го започнаа Методиј и Кирил на север. Мисионерската дејност на светите браќа меѓу Македонците, посебно возобновувањето и применувањето на македонската азбука е забележано во житието на Свети Наум. Ова му претходело на преведувањето на светите книги на јазикот на Македонците од солунско и на мисионерското дело меѓу западните Словени во Моравија.
Во чест на нивното дело го празнуваме Денот на сесловенските просветители Св. Кирил и Методиј. Честит 24 Мај. 

 

 

 

 

Свети Кирил и Методиј 

 

Во една одаја во еден темен мрак 

кој го победуваше една восочна свеќа, 

двајца браќа на хартија пишувале знак до знак, 

а на нивните лица блескаше неизмерна премудрост и среќа. 

 

Тие знаци беа азбука, 

азбука наречена глаголица. 

Таа вековна азбука беше ука, 

измислена од тие среќни лица. 

 

Тие браќа дадоа азбука на сиот словенски род 

и беа тој свет и светол зрак, 

што ги учеа луѓето на верата Христова под овој небесен свод 

и ги избавија од вечен мрак. 

 

И секој 24 Мај 

нивното просветителско дело го празнуваме 

и овој празник има чуден и светол сјај, 

а на вас Кирил и Методиј свежо цвеќе ви даруваме 

и длабоко ви се заблагодаруваме. 

 

 

 

Изработиле: членови на литературното катче

Уредник: Алексеј Стојановиќ IX-3