🌹Состав за жената🌹
Жената
отсекогаш била единствена, неповторлива, магична и божествена!
Божествена
затоа што во себе ги носи најубавите допири, убавина, благост и милина,топол
поглед,остар ум и голема сила.
Ја сакам жената со сето она што се разликува од мажот, а не со она што
ја доближува или израмнува со него. Всушност ние своето потекло и својот
идентитет и го должиме на жената. Таа ја носи сета одбранбена моќ што се
пренесува од единката на пошироката заедница,а не само во семејството. Да се
твори и пишува за жената е нешто најубаво и највозвишено, па дури и самата
идеја за тоа е голема. Да се опева жената значи да се учествува и негува
нејзината љубов.Во минатото жената не е ни половина од тоа што е сега.Сега
жената може да биде доктор и да ти го спаси жиотот,сега може да биде наставник
и да го дели знаењето несебично,на секого.Сега жената е посилна,слободна ко
птица,сега со уште поголеми сили. Уметноста и уметникот жената ја претставувале
како моќна фигура со убави и бујни коси, ѕвезда која не згаснува и копнеж што
не се пропушта. Во книгите таа е птица.Нејзиниот глас надалеку се
пее,никогаш не престанува,никогаш не снемува здив.. Во некои филмови таа е
борец кој не се откажува, не застанува туку упорно се бори за своите права. Можеме
да кажеме дека е убава, величествена, единствена, прекрасна..Но,нема да биде
доволно.Никогаш нема да можеме да ги опишеме оние бујни коси, оние сочни и
румени усни,оној нежен допир и оние небесни очи со своја приказна. Добродетелка,
на моменти многу емотивна но, сепак истрајна и издржлива. Тоа е жената.
Напред-назад, лево-десно… Секаде жената. Жена-лекар, жена-професор,
жена-политичар, грижлива домаќинка-столб во семејството и движечка сила во
општеството. Секоја жена е приказна сама за себе во која оправдано секоја од
нив сака да биде: искрена, јасна, трајна… Таа е триумф кој се стекнува тогаш
кога и се заслужува...
